المحاضرة الرابعة - دراسة جدوى - يوم 23/10/2012 المحاضرة دى كانت اول محاضرة لدكتور سعيد عبد العزيز عميد الكلية وكانت تميل انها محاض...
المحاضرة الرابعة - دراسة جدوى - يوم 23/10/2012
المحاضرة دى كانت اول محاضرة لدكتور سعيد عبد العزيز عميد الكلية
وكانت تميل انها محاضرة نقاشية اكتر
و الدكتور راجع فيها على نقاط معينة فى دراسة الجدوى التسويقية
ودى اهم النقط اللى اتكلم فيها دكتور سعيد باختصار :-
- دراسة الجدوى هدفها تعظيم الارباح و تدنية المخاطر
وكان فى مثال على الموضوع ده
ان ممكن واحد يفتح محل ويعمل دراسة جدوى ويخسر
و واحد تانى يفتح محل و ميعملش دراسة جدوى و يكسب
ده مش معاناه ان دراسة الجدوى ملهاش لازمة بالعكس هنا هنقدر نقول ان لو الراجل الاول لو مكنش عمل دراسة جدوى اساسا كان هيخسر اكتر , و الراجل التانى لو كان عمل دراسة جدوى كان هيكسب اكتر
- الفرق بين الدول المتقدمة والمتخلفة
ان الدول المتقدمة بتفكر وبتعمل دراسة جدوى لاى مشروع او قرار قبل ما تنفذه عشان تبقى متوقعة النتائج بشكل ادق
انما الدول المتخلفة ديما بتنفذ اى حاجه او اى قرار من غير دراسة و بتحاول تعالج بعد كده مشاكل او مساؤى القرار اللى اخدته بعد كده
عشان كده شعار دراسة الجدوى ( فكر ثم افعل )
- عندما تقوم بعمل دراسة جدوى افترض انك جاهل حتى يثبت العكس
بمعنى ان لما يبقى قدامك مشروع وعاوز تعمله دراسة جدوى لازم تجمع المعلومات والبانات من اماكنها الصحيحة و متبقاش قايمة على توقعات و بس
- عشان تفهم دراسة الجدوى اسال نفسك 3 اسئلة ؟
1- ما هى دراسة الجدوى ؟
2- لماذا ندرس دراسة الجدوى ؟
3- كيف ندرس دراسة الجدوى ؟
- الهدف من دراسة الجدوى التسويقية ؟؟
هو تحديد حجم السوق المتوقع ومن خلاله هنقدر نحدد حجم المبيعات المتوقع لو حددنا سعر السلعة او الخدمة
و التنبؤ ديما بحجم السوق بيبتدى بمعدل يومى ثم اسبوعى ثم شهرى ثم 3 شهور على حسب المشروع
- خطوات دراسة الجدوى التسويقية
1- تحديد ملامح عامة عن السوق من خلال 3 اسئلة
أ - هل يوجد تدخل حكومى فى السوق ام لا ( زى الضرايب و تحديد الاسعار فى البنزين و العيش و و و )
ب - درجة المنافسة فى السوق ( احتكارية - منافسة احتكارية - منافسة حرة )
ج - العوامل التى تزيد من المبيعات و العوامل التى قد تقلل المبيعات ؟
2 - تجميع المعلومات والبيانات
3- تحليل البيانات والمعلومات
